Woh Silsalay, Woh Shok, Woh Nisbat Nahi Rahi
Ab Zindagi Main Hijer Ki Wehshat Nahi Rahi
Toota Hai Jab se Uski Masihai Ka Talism
Dil Ko Kissi Masiha Ki Haajat Nahi Rahi
Phir Yu Hua Kay Koi Shanasaa Nahi Raha
Phir Yu Hua Kay Dard Main Shiddat Nahi Rahi
Phir Yu Hua Kay Ho Gaya Masroof Woh Bohat
Aur Humko Yaad Kernay Ki Fursat Nahi Rahi
Ab Kya Kissi Ko Chahein K Hum Ko Toh In Dino
Khud Apne Ap Se Bhi Muhabbat Nahi Rahi...!!!
Tahir.ashraf22@gmail.com
No comments:
Post a Comment