Aao k ab hum phool chunnain
Wo phool jo khaak alood hoeey
Wo jin ki mahak mitti main mili
Wo jink ko khizan nay roond dia
Aaoo k us ko aabad karain
Aao k ab hum us rah chalain
Wo rah k hay dushwaar bohat
Wo rah jahan hay khaar bohat
Wo rah jo ab hay ik Mattum kada
Aao k us ko aabad karain
Aao k ab hum seeraab karain
Jahan aansoo k samunder bahtay hain
Jahan log piyasay rahtay hain
Muhabbat say usay shadab karain
Aao k us ko aabad karain
Aao k ab hum un k saath milain
Jinhain zindgi ki tarap sulgati hay
Apnon pay kafan hay mitti ka
Aur yaad kisi ki aati hay
Aao k us ko aabad karain
Aao k ab hum faryaad karain
Kuen Rahmat-e-Elahi rooth gai?
Haathon main un k haath leeay
Damun ko phylain dua k leeay
Aao k us ko aabad karain
Aao k us ko aabad karain
Tahir.ashraf22@gmail.com
